Gler seg over kvite julestandar for barna i år

No gler IOGT-folk over heile landet seg til at dei kan få stille på kvite julestandar, og på den måten få fokus på at barn fortener kvite juledagar når dei er saman med vaksne.

Kvit jul er for dei fleste julesnø, men for mange barn er kvit jul òg noko anna. Kvite dagar er eit omgrep som er mykje brukt om alkoholfrie dagar, og for mange barn er det største juleønsket å få vere saman med vaksne som er edrue.

Barn ynskjer vaksne som er til stades og som ter seg normalt og er hyggelege. I desember blir det drukke dobbelt så mykje som i dei andre månadene i året. Juletradisjonane er fuktige i mange heimar, og mange barn gruer seg til jul på grunn av drikkinga til dei vaksne. Tal frå Folkehelseinstituttet syner at 90.000 norske barn har minst ein forelder som misbrukar alkohol, og ein reknar med at det er dobbelt så mange som har foreldre med risikofylt alkoholforbruk.

Alkoholforbruket i Norge har auka med om lag 40 prosent dei siste 20 åra. Det er i stor grad fleire kvinner og fleire eldre som drikk meir enn kvinner og eldre gjorde før. Ungdom derimot drikk mindre alkohol og røykar mindre hasj enn tidlegare. Statistikken syner at ungdom bruker stadig mindre av alle slag rusmiddel, bortsett frå snus. Auken i alkoholkonsumet er det i stor grad besteforeldregenerasjonane som står for.

Dei siste vekene før jul har IOGT Kvit jul-aksjonar landet rundt. IOGT Region Midt-Norge som omfattar Helgeland, Trøndelag og Sunnmøre, er alt i gang med stand rundt om i regionen. Målet med kampanjen er å få fleire vaksne til å drikke alkoholfritt i jula. Foreldre og andre vaksne blir oppmoda om å skrive under på at dei ikkje vil drikke alkohol når dei er saman med barn i juledagane 23.–26. desember.

Kvit jul-kontraktar kan ein òg signere på nettsida www.hvitjul. no. Elles vil vi oppfordre den einskilde til å avtale med seg sjølv at ein ikkje skal drikke alkohol når ein er saman med barn i jula. Det er handlinga som er det viktigaste. Alkoholfrie vaksne gjev barna tryggleik og velvære.

Innlegget stod på trykk i Dagen 22. oktober 2021

12.00-15.00 23. mars 2023

Universitetet i Sørøst-Norge, Campus Drammen, Grønland 58

12.00-15.00 29. mars 2023

«Fremtiden» i Pellygata 70 i Sarpsborg

12.00-15.00 31. mai 2023

Kristiansand teateret, ‍Kongens gate 2

9.00-12.00 9. juni 2023

Litteraturhuset i Bergen, Østre Skostredet 5

Nyheter

FNs narkotikakommisjon (CND) har sitt årlige møte i Wien i mars. I forbindelse med det inviterte Helse- og omsorgsdepartementets til dialogmøte for organisasjoner på rusfeltet. Her er innspillet fra generalsekretær Hanne Cecilie Widnes, som representerte IOGT.

Vil du følge opp medlemmer og frivillige i en engasjert og meningsfull organisasjon på rusfeltet?

Søknadsfrist: 10.02.2023

Send søknad på finn.no

Irland får innføre lov om helseinformasjon og advarslar på alkohol. Også norske forbrukarar bør få slik kunnskap, så dei kan ta gode helseval, meiner IOGT.