IOGT-standar i Namsos
Tor Martin Flø Gustad (t.v.) og regionleiar Per-Arne Lillebø i IOGT Region Midt-Norge tek turen til Namsos 1.-2. februar. Her er dei på stand i Brønnøysund i januar i år. (Foto: Privat)
Onsdag 1. mars og torsdag 2. mars kjem regionleiar Per-Arne Lillebø og Tor Martin Flø Gustad i frå regionstyret til IOGT Region Midt-Norge til Namsos. Dei står på infostand på kjøpesenteret, og håper dei får møte mange der i løpet av to dagar.
- Vi vil gjerne informere om det allsidige arbeidet som IOGT driv i heile landet. Å verve nye medlemer er eit fokusområde for oss i 2023, så det håper vi også at vi skal klare, seier Lillebø.
Tidlegare i år har regionleiaren tatt turar nordover og besøkt lokale IOGT-lag og IOGT-område i Sandnessjøen og Brønnøysund saman Tor Martin. Sistnemnde bur i Trondheim, så desse karane er ikkje redde for å vere på reisefot vinterstid. For regionleiaren vart det ei lang ferd sist han var på veg nordover, pga dårleg vêr gjekk reiseetappene ikkje slik som tiltenkt.
- Å vere med i frivillig arbeid vil seie at ein må vere litt fleksibel og kunne ta ting slik det fell seg undervegs. Vi er heldigvis reisevande, og så er telefonen eit fint verktøy til å verve nye medlemer når ein er på tur, og ein plutseleg må overnatte ei ekstra natt undervegs, understrekar Per-Arne Lillebø.
Relaterte saker
Alkohol er ei lovleg vare. Alkohol er ei spesiell vare. Denne væska kan medføre avhengigheit. Det er det ikkje alle væsker som kan. Tenk på vatn eller jus til dømes. Viss alkoholen var ei nyoppfinning anno 2022, trur du ho ville ha vorte godkjent som ei salsvare? Eller ville ein ha tenkt at det er kanskje best at ho ikkje vert selt?
I 2027 fyller organisasjonen IOGT 150 år. Fram til då skal alle ledd i organisasjonen få uttale seg om korleis organisasjonen best kan endre seg for framtida. Årsmøtet til IOGT Region Midt-Norge samla på Romsdalsmuseet på Molde fredag 31. mai drøfta dette, og sende ein uttale til sentralleddet.
Vi har hatt fire dagar med vervingar i Ørsta og Ålesund i mai og juni. I samband med desse standane vart det verva vel 60 medlemer. Her kjem eit foto frå kvar av desse stadane.
I samband med årets Norway Cup har arrangøren Bækkelagets Sportsklub og Norges Fotballforbund hatt fokus på at barneidretten skal vere utan alkohol. Det fokuset er viktig. Vi må hugse på at cupen skaper minne som varer livet ut.
Leiar Per-Arne Lillebø i IOGT Region Midt-Norge har i mange år verva nye medlemar. Vanlegvis har han saman med andre stått på standar rundt om i regionen og verva folk gjennom fysiske møte, i gode dialogar med andre.
Den raude tråden under IOGT Midt-Norge sitt inspirasjonseminar i Ålesund 26. august var visjonen om å kunne skape trygge oppvekstmiljø med ansvarlege vaksne.