Kunstig intelligens i rusomsorga - skal ikkje vere ein erstattar
Tenk deg at du har utfordringar med rus. Du får tilbod om hjelp via kunstig intelligens (KI). Det er forholdsvis nytt på rusfeltet dette med KI. Samtidig ser ein no at mange rehabiliteringsplassar her til lands som tidlegare har hatt menneskeleg varme og faglege hender å tilby brukarar, ikkje lenger får driftstilskot frå staten, og dermed vert lagt ned.
Korleis kan ein så i framtida på best mogleg måte sy saman eit heilskapleg behandlingstilbod med både KI, fagfolk og frivillige? Etiske dilemma? “Nå kommer kunstig intelligens til rusomsorgen” kan vi lese om på nettsida rop.no publisert i april i år.
“- Kunstig intelligens (KI) er fremtiden i helse- og omsorgstjenesten, også på rusfeltet. KI kan brukes på mange forskjellige måter for å forenkle, forbedre og effektivisere tjenesten. Samtidig er det viktig å tenke grundig gjennom etiske dilemmaer og hvordan KI kan tas i bruk på en trygg og god måte.”
All ny teknologi medfører at ein må tenkje over det etiske aspektet ved å ta i bruk nye metodar. Anita Øgård-Repål er førsteamanuensis ved Institutt for helse- og sykepleievitenskap ved Universitetet i Agder. Ho har uttalt seg om dette teamet til Nasjonal kompetansetjeneste for samtidig rusmisbruk og psykisk lidelse, www.rop.no.
“-For en del mennesker vil det å avpersonalisere hjelpen gjøre den mer tilgjengelig. At KI er upersonlig vil være positivt for en del, og jeg tror terskelen for å søke hjelp vil bli lavere. KI kan også brukes for å forbedre behandling og oppfølging. KI kan for eksempel predikere tilbakefall, og kan kan brukes i ettervern og for å følge opp pasienter som er skrevet ut”, seier ho til rop.no.
KI - ei støtte
Vidare i same saka meiner Sveinung Tornås, avdelingsdirektør i Helsedirektoratet, at det er viktig å sjå på KI som ein partnar og ei støtte, og ikkje ei erstatning for helsepersonell og mellommenneskeleg kontakt. Bruk av KI forutset også godkjenningar på samme nivå som annan teknologi i helsetenesta. Det seier Tornås til rop.no.
Pr april i år hadde ikkje Helsedirektoratet arbeidd med KI på rusfeltet spesielt. Tornås understrekar difor at det er for tidleg å gje eit utfyllande eller konkluderande svar på korleis kunstig intelligens kan brukast i rusomsorga. - Dette må framover utforskast vidare, framheld Tornås.
For IOGT Region Midt-Norge er det spennande tankar at kunstig intelligens kan nyttast i rusomsorga. Vi ser med spenning framover og tenkjer at det er fint å kunne inkludere også KI i vidare arbeid på rusfeltet, når metodeetikken er gjennomtenkt og dette har komme i gong for fullt i godkjente former. Det viktigaste er at at rusavhengige kan få hjelp til å verte rusfrie, anten det skjer ved hjelp av KI, helsetilsette eller frivillige organisasjonar som arbeider på rusfeltet. Vi ønsker alle ei riktig god og kvit jul!
IOGT Region Midt-Norge
Leiar Per-Arne Lillebø og infomedarbeidar Hjørdis Almelid Vikenes
Kjelder:
https://rop.no/aktuelt/na-kommer-kunstig-intelligens-til-rusomsorgen/
Relaterte saker
Mange barn strevar med å prøve å tilpasse seg det som skjer, når vaksne rundt dei brukar alkohol. Dei kan verke upåverka og tilsynelatande ha det bra sjølv om foreldra misbrukar alkohol. Men vi veit at dette ofte kan vere ein fasade, for barna prøver å skjule dei problema som alkoholen er årsak til.
Mange barn strevar med å prøve å tilpasse seg det som skjer, når vaksne rundt dei brukar alkohol. Dei kan verke upåverka og tilsynelatande ha det bra sjølv om foreldra misbrukar alkohol. Men vi veit at dette ofte kan vere ein fasade, for barna prøver å skjule dei problema som alkoholen er årsak til.
IOGT Region Midt-Norge gleden av å invitere våre medlemmer til Refleksjon – og inspirasjonsseminar med tema Alkoholbruk og helse - om myter, tabu og fakta
Seminaret er gratis og opent for IOGT-medlemer og finner sted på Scandic Parken i Ålesund Fredag 29. november 2024 - kl 14.00.
Påmelding gjøres til Per-Arne Lillebø snarest da det er begrenset med plasser og her er det første man til mølla. Håper å se deg der!
Onsdag 1. mars stod regionleiar Per-Arne Lillebø og Tor Martin Flø Gustad i frå regionstyret til IOGT Region Midt-Norge på stand i Namsos. 12 nye medlemer vart verva under standdagen
Regionleiar Per-Arne Lillebø i IOGT Region Midt-Norge hadde innlegg i samband med leiars tale om viktigheita av medlemsverving på Landsmøtet.
Gågate. Ærverdig. Hus. Flasker. Mange. Hyllemeter. Alkoholfritt. Glutenfritt. Papp. Rett. I. Skravlekoppen.
Av og til vert eg litt stakkato i skrivemåten når eg får gode opplevingar. Det å entre inngangsdøra til butikken Vinifera var kjekt. Hyllemeter på hyllemeter med importerte alkoholfrie vinar. I tillegg er vinbutikken og kafeen i Gågata i Ørsta sertifisert Skravlekopp-butikk. Veldig flott at ein vinbutikk også har ei kaffimaskin og litt å “bite i”, slik at folk kan ta seg tida til å setje seg ned, bruke ein Skravlekopp og på den måten vere med å gjere lokalsamfunnet meir skravlete.