Legg til rette for dei sunne vala og det gode livet
Per-Arne Lillebø, IOGT-Region Midt-Norge
«Den sunne livsstil» har vorte ein av vår tids store trendar. Det er det grunn til å gle seg over. Det gjev også grunn til å tru at det etter kvart skal vekse fram ei erkjenning av at ein sunn livsstil også er ein rusfri livsstil.
Om få månader skal det veljast nye kommunestyre over heile landet. Den aller viktigaste oppgåva for alle politikarar må vere å gjere vedtak som fremjar det gode liv for heile befolkninga. Det vil blant anna seie:
- Legge til rette for at dei sunne vala, blir dei enklaste vala.
- Sørge for lett tilgang til turområde, gang- og sykkelvegar.
- Ikkje ha sukkertøy og andre usunne varer godt synleg i butikkane.
- Syte for god tilgang til frukt og grønt.
- Syte for at det enklaste er å velje alkoholfritt.
I Norge har vi slutta oss til Verdas Helseorganisasjon, WHO, si målsetting om at vi skal redusere det skadelege alkoholkonsumet med 10% innan 2025. Seinast i Folkehelse-meldinga og statsbudsjettet for 2016 blir denne målsettinga stadfesta. WHO sitt sterke fokus på alkohol er ikkje utan grunn. Det er knapt nokon enkeltfaktor som har større innverknad på folkehelsa, og det gode liv, enn nettopp befolkninga sitt forbruk av alkohol. Målsettinga om ein reduksjon på 10% er derfor viktig, og vil ha stor effekt på folkehelsa.
Det er derfor dessto meir beklageleg at vi endå ikkje har klart å snu ein trend med aukande alkoholkonsum i Norge. Målet om ein reduksjon på 10% er ikkje uoppnåeleg, men kan ikkje oppnåast utan målretta tiltak. Praktiseringa av alkohollova er i stor grad eit kommunalt ansvar. Det er kommunen, som innanfor ramma av det Stortinget har bestemt, fastset reglar for skjenketider, og som gjev skjenkeløyve mm.
Dei nye folkevalde skal også vedta ein eigen ruspolitisk handlingsplan for kommunen. Det er derfor kommunestyra som bestemmer kor lett tilgang det skal vere til alkohol i eigen kommune, og tilgangen er sjølve nøkkelfaktoren til alkoholkonsumet i eit samfunn. Dette betyr at det først og fremst er eit kommunalt ansvar å handheve alkohollova på ein slik måte at målsettinga om 10% reduksjon blir oppnådd. Vi håper våre nye folkevalde tek dette ansvaret på alvor, og slik bidreg til betre folkehelse og det gode liv for heile befolkninga.
Godt val og lukke til!
Relaterte saker
- Det er bra at meldingen tydelig adresserer alkohol som en vesentlig risiko for folkehelsa, sa IOGT i høringen om ny folkehelsemelding i dag. Samtidig etterspurte vi mer konkrete forslag til styrking av det forebyggende arbeidet.
I Norge er det forbudt å drikke alkohol på offentlig plass. De fleste land i Europa har lignende reguleringer.
Det er tankevekkende at toppfolkene i helse opplever det som selvfølgelig at helsebudsjettene skal dekke deres alkoholbruk.
Det finnes ikke noe som kan kalles sikker bruk av alkohol i et helseperspektiv. Det er konklusjonen i internasjonal studie.
Helseminister Ingvild Kjerkol presenterte ny folkehelsemelding fra regjeringa 31. mars 2023, med blant anna mål om 20 prosent nedgang av skadeleg alkoholbruk.
Ørnulf Thorbjørnsen ble enstemmig valgt som IOGTs nye leder på årets landsmøte. Han har ambisjon om å utvikle IOGT videre.
Nyheter
Hva er en verdig og virkningsfull behandling for medmennesker som sliter med rusproblemer? Det var tema da lege Stig Asplin holdt foredrag i IOGT i Lørenskog 20.mars 2025.
64 % mener alkoholforbudet langs skisporene i Holmenkollen Skifestival må håndheves bedre. IOGTs undersøkelse viser at 51% opplever alkoholbruken så problematisk at de ikke ville tatt med barn inn i området.
8.mars 1877 stiftet skipper Carl Reynolds Losje Første Norske i Porsgrunn. Den er nå Porsgrunns nest eldste forening. Derfra vokste IOGT raskt og vi hadde på det meste over 100 000 medlemmer i IOGT og i barnearbeidet vårt.