Trygge oppvekstmiljø ei hovudsak
Leiv Arne Grimstad
29. august 2022
Den raude tråden under IOGT Midt-Norge sitt inspirasjonseminar i Ålesund 26. august var visjonen om å kunne skape trygge oppvekstmiljø med ansvarlege vaksne.
Dette gjekk igjen med alle foredragshaldarane.
Seminaret var det 8. i rekka med Per Arne Lillebø som leiar – og ved sida hans – som elles alle desse åra - stod legen Geir Riise. I tillegg foredrog Actis-generalsekretær Inger-Lise Hansen, politimeister Ingar Bøen og økonomiprofessor Ola Honningdal Grytten.
I løpet av desse åra har tiltaket hatt over 500 lydhøyre deltakarar.
– Og det har vore fornying på deltakarlista kvart år, sa Lillebø, som i prologen til seminaret minte om at ”ingen av oss lever i eit vakuum”. – Nei, vegane vi menneske går på, er like, på den måten at dei ”set oss på val”. – For krenkingar og påkjenningar tidleg i barneåra gjer oss sårbare gjennom heile livet. – Alkohol er som ringar i vatnet. Stig forbruket, tiltek også skadane, sa han.
Geir Riise sa det slik: - Krenkingar i tidlege barneår blir som ”arr oppå hodet som en ikke blir kvitt”. - Vi vaksne må ikkje undervurdere rollene våre. Ein leiar har enormt stor innflyting. Å bry seg er avgjerande.
Målet for samlinga var å semjast om dei mest effektive tiltaka i tida som kjem.
I den avsluttande paneldebatten sa Inger Lise Hansen at ho var særleg oppteken av å skape rusfrie arenaer og gode fritidstilbod i lokalsamfunna. Ho sa seg bekymra for auka narkotikabruk og nedgang i organisert aktivitet mellom dei unge. Til å bøte på det ville ho ha fleire ressursar til frivillig sektor.
Politimeister Ingar Bøen: - Vi må vere forbilde. Det kan du vere uansett kvar du er. Eg serverer ikkje alkohol på mine leiarmøte, og har ikkje fått ein einaste negativ kommentar for det. - Gå ut til alle folkeslag. Vi er avholdsfolk. Vi blir ikkje tørrare enn vi er!
Geir Riise gjentok ”Islandsmodellen”, som Inger Lise Hansen hadde vore inne på tidlegare i seminaret: Den radikale nedgangen i rusbruk på Island dei seinare åra blir forklart med kunnskapssanking (og -spreiing), foreldreinvolvering og satsing på gode fritidstilbod.
- Eg trur kunnskap kan bevege posisjonar. – Og kunnskap får ein best ved å lese tidsskrift, t.d. verdas fremste medisinske tidsskrift ”The Lancet”, tipsa han om.
Som eit avsluttande sukk peikte politimeister Bøen på tax-free-butikkane, som var Avinor sin måte å tene pengar på for å kunne oppretthalde flyplassane: - På Vigra blir folk tvungne til å gå gjennom taxfree-butikken med alt som er der av alkohol og tobakk. Kvifor skal dei måtte kjøpe brennevin når dei har vore i utlandet? Avinor får inn pengar, ja, men kva påfører vi samfunnet? spurde han.
Innlegget har bl.a. stått på trykk i Vikebladet og Vestlandsnytt den 2. september
Relaterte saker
Valget nærmer seg, og 31. august stiller partiene med noen av sine toppkandidater fra Oslo til debatt om ruspolitikk.
I nynorskordboka.no kan vi lese at ein influensar er ein påverkar. Altså ein person som vil påverke nokon til noko. I daglegtale kan ein påverkar også verte omtalt som ein lobbyist. I fleire høve har vi sett at tidlegare stortingsrepresentantar kjem attende som påverkarar. Er du ein påverkar? Nyttar du sosiale media, eller ulike kanalar for å fremje ulike saker som opptek deg?
I juni var det Landsmøte for IOGT på Åsane Folkehøgskole. IOGT Region Midt-Norge og lag og område i regionen vår hadde fleire utsendingar på Landsmøtet.
IOGT er igjen i gang med Kvit jul-aksjonen sin. Målet er å få folk til å feire jul utan alkohol når dei er saman med born. For dei fleste borna er jula ei høgtid dei gleder seg til. Det er spenning og gode forvantningar, og i jula er det hyggjelege samlingar med familie og venner.
Sommeren er her og IOGTs sommerkampande "Er du enig?" er i full sving. Tre flotte dager med stand i Molde og Ålesund ga god respons hos folket og resulterte i hele 50 nye medlemmer!
Også i Ørsta utarbeides det i disse tider en ny alkoholpolitisk handlingsplan og IOGT har sendt inn høringssvar.
IOGT-huset. Torggata 1, 4. etg. Oslo
Scandicparken i Ålesund
Nyheter
Nå kan du skrive under på Hvit jul 2024. Ved å skrive under og velge alkoholfritt med barn tilstede, påvirker du holdninger og bidrar til en tryggere jul for enda flere barn.
I en fersk episode av "Sterk og Klar"-podcasten blir det diskutert hvorfor folk velger å drikke alkohol, og hvordan vi best kan forebygge alkoholbruk, spesielt blant unge.
Vil du bidra til at flere barn får en trygg og alkoholfri jul? Å hjelpe til med gjennomføringen av Hvit jul-kampanjen er både er meningsfullt og trivelig, og vi trenger deg som frivillig!