Skal vi skape nye ritual?
Per-Arne Lillebø,Hjørdis Almelid Vikenes
Alkohol er ei lovleg vare. Alkohol er ei spesiell vare. Denne væska kan medføre avhengigheit. Det er det ikkje alle væsker som kan. Tenk på vatn eller jus til dømes. Viss alkoholen var ei nyoppfinning anno 2022, trur du ho ville ha vorte godkjent som ei salsvare? Eller ville ein ha tenkt at det er kanskje best at ho ikkje vert selt?
Ja, vi kan sitje i rolege tider og tenkje på så mangt. For oss i IOGT som er ein ruspolitisk organisasjon, så forheld vi oss til gjeldande lovverk naturlegvis. Men la oss no tenkje litt høgt i lag.
Korleis skulle ein ha oppført seg på fest viss ein ikkje kunne drikke alkohol? Kva skulle ein ha gjort på? Kva gjer til dømes Juvente, ungdomsorganisasjonen til IOGT, når dei har samlingar utan alkohol? Er det skilnad på det rusfrie arrangementet og ei anna ungdomssamling med alkoholservering? Skjer det andre hendingar viss alkoholen er ein del av selskapet? Korleis ville russetida ha sett ut viss ingen russar hadde rusa seg?
Nei, kven kan vel spå om framtida. Vi får i alle fall arbeide vidare med det haldningsskapande arbeidet vårt. Hvit jul-kampanjen til IOGT, eller kvit jul som vi i IOGT Region Midt-Norge kallar aksjonen, er godt i gang i år. Kva handlar det om? Jau, då oppmodar vi vaksne som er saman med born i dagane 23.-26. desember å setje borna først, og ikkje drikke alkohol nett dei dagane. Kvifor kjem vi med ei slik oppmoding i desember? Det gjer vi fordi statistikken viser at mange barn og unge er uttrygge på dei vaksne dei har kringom seg når dei vaksne nyttar rusmiddel.
Kva tenkjer du? Er det noko vits i å skape nye rusfrie ritual for framtida? Viss du tenkjer ja, er det mange ruspolitiske organisasjonar som har plass til nye medlemer. Velkommen skal du vere til å bli med i IOGT - og vere med på å forme morgondagen for oss alle. Og om du vil støtte opp om kvite juledagar, finn du aksjonen vår på www.hvitjul.no. God kvit jul!
IOGT Region Midt-Norge
Leiar Per-Arne Lillebø og nestleiar Hjørdis Almelid Vikenes
Gode tankar til dette lesarinnlegget fann vi hjå:
https://www.erlik.no/tenk-om-alkohol-ikke-fantes
Relaterte saker
Også i Ørsta utarbeides det i disse tider en ny alkoholpolitisk handlingsplan og IOGT har sendt inn høringssvar.
En del av IOGTs gode arbeid er å målbære avholdssaken i lokalpolitikken. I forbindelse med Ålesund kommunes høring om ny forskift om åpningstider for serveringssteder og sals- og skjenketider 2024-2028 sendte IOGT inn et godt begrunnet høringssvar som publiseres her i sin helhet.
No er jula 2023 attom. No er nyårsfeiringa i Noreg attom. Då kan det kanskje vere litt lurt å entre ettertanken si verd.
I januar 1884 hadde IOGT Losje Skjærgaarden sitt første møte i Herøy. Det var 6 år etter at IOGT Norge var starta. Møtevirksomheten i Herøy stansa opp etter få år. Men i 1895 vakna Losje Skjærgaarden opp til nytt liv i Sandnessjøen og har siden hatt jevnlig møtevirksomhet. Aktiviteten ellers har vært noe varierende.
Jula i år byr på ekstra utfordringer fordi pandemien bidrar til mer insolasjon og stengte dører. Men IOGT tilbyr samvær der vi ser muligheter for å få det til.
Onsdag 1. mars og torsdag 2. mars kjem regionleiar Per-Arne Lillebø og Tor Martin Flø Gustad i frå regionstyret til IOGT Region Midt-Norge til Namsos. Dei står på infostand på kjøpesenteret, og håper dei får møte mange der i løpet av to dagar.