Fleire frå Region Midt på Landsmøtet
Her er delegasjonen frå IOGT Region Midt-Norge som var på Landsmøtet i Åsane i juni: Framme frå venstre Gjertrud Hauge (Skodje), Konrad Moe (Molde), Søren Høj (Molde), Per-Arne Lillebø (Ulsteinvik) og Hjørdis Almelid Vikenes (Ørsta). Bak frå venstre: Gunnar Hauge (Skodje), Ole Brubakk (Fosnavåg) og John Almendingen (Sandnessjøen). (Foto: Privat)
I juni var det Landsmøte for IOGT på Åsane Folkehøgskole. IOGT Region Midt-Norge og lag og område i regionen vår hadde fleire utsendingar på Landsmøtet.
- Region Midt-Norge hadde på førehand innsendt fleire saker som vart handsama på Landsmøtet. Noko fekk vi gjennomslag for, og andre ikkje, men det er viktig å løfte fram dei sakene vi meiner at Landsmøtet skal drøfte, seier regionleiar Per-Arne Lillebø.
Etter valet på Landsmøtet sit følgjande no i sentraltstyret: Leiar Ørnulf Thorbjørnsen (Nord), nestleiar Sofia Gram-Hallbert (Aust), Per-Arne Lillebø (Midt), Elisabeth Hagen (Aust), Are Eriksen (Nord) og Kristine Cseresnyes (Vest). Tor Martin Flø Gustad (Midt) er 1. vararepresentant og 2. vararepresentant er Rolf Larsen (Sør).
Relaterte saker
Onsdag 1. mars og torsdag 2. mars kjem regionleiar Per-Arne Lillebø og Tor Martin Flø Gustad i frå regionstyret til IOGT Region Midt-Norge til Namsos. Dei står på infostand på kjøpesenteret, og håper dei får møte mange der i løpet av to dagar.
Fordi at vatn sløkkjer tørsten mest effektivt, og kroppen treng vatn for at alle delar av kroppsmaskineriet skal fungere. Vatn er gratis, kaloriritt og lett tilgjengeleg i Norge. Vatn gjer at du toler varmen betre, og det kan gjere at du får mindre vondt i hovudet. Under trening er vatn nødvendig, og etter trening er vatn naudsynt for at kroppen skal kome seg raskt og bli klar for nye prestasjonar. Vatn er nødvendig for å tenkje klart.
Om du vil vere trendy i dag, kan du å lage fargerike og velsmakande mocktails. Slike drinkar er alkoholfrie. Dermed kan du feste saman med andre ein dag, og vere klar til ulike aktivitetar påfølgjande dag. Genialt edrueleg konsept med andre ord.
Når folk tippar hjå Norsk Tipping, kan dei velgje å støtte frivillige lag og organisasjonar. Dette må kvar einskild tippar velgje sjølv. IOGT Region Midt Norge, org.nr. 993905364, er godkjent som grasrotmottakar.
IOGT Region Midt-Norge har dei siste vekene stått på standar ulike stadar i regionen. I tillegg til at regionstyret sine medlemar står på stand, har også lokale iogt-medlemar stått på standar.
