På tide med alkoholmerking
Foto: Tony Zhu, Pixabay
Helsemerking av alkoholvarer har lenge vore ei aktuell sak, men lite har vorte gjort her til lands. Det er difor gledeleg at helseminister Ingvild Kjerkol har gjeve Helsedirektoratet beskjed om å vurdere korleis alkoholhaldig drikke kan merkast med åtvaring om helserisiko. Det er åtte månader sidan helseministeren fekk ei utgreiing på 30 sider frå Helsedirektoratet, og Helsedirektoratet tilrår åtvaringsmerking på alkoholvarer.
Helseministeren har ikkje vore særleg rask i vendinga, men det er godt at det endeleg kom ein reaksjon.
"– At Kjerkol nå tar aksjon er et viktig skritt i riktig retning, sier Inger Lise Hansen, generalsekretær i Actis. - Dette handler om å gi folk muligheten til å gjøre gode helsevalg, og da må de få vite hva de får i seg." Actis er rusfeltets samarbeidsorgan, og er ein paraplyorganisasjon med 37 medlemsorganisasjonar innanfor rusfeltet.
Tilrådinga frå Helsedirektoratet seier ikkje noko om utforminga av merkinga og korleis den kan gjennomførast og forvaltast i praksis. Det er det Kjerkol no har bedt om innspel til. Merkinga vil truleg innehalde helseåtvaring for mellom anna graviditet og trafikk. Emballasjen bør ha påført en innhaldsdeklarasjon.
WHO er tydeleg i tilrådingane sine, og oppfordrar mellom anna til å innføre konkrete retningsliner for storleik og skrivstype, og at åtvaringa vert plassert på framsida av produktet og med lettfatteleg informasjon.
Dette er ei hastesak. Risikoen er at det vil ta tid før merkinga er påført varene. Vi ser frå andre land at særleg alkoholindustrien motarbeider desse tiltaka. Fleire land har allereie innført merking av alkoholvarer. Det gjeld mellom anna: Frankrike, USA og Australia. Norge er såleis ikkje noko føregangsland på dette feltet, men det er bra om vi no kan få merking av alkoholvarer. Folk bør få vite kva dei får i seg når dei drikk alkohol, og farene ved det.
Kjelde: https://actis.no/aktuelt/n%C3%A6rmere-et-lovvedtak-om-alkoholmerking
IOGT Region Midt-Norge
Leiar Per-Arne Lillebø og sekretær John Almendingen
Relaterte saker
Mange barn strevar med å prøve å tilpasse seg det som skjer, når vaksne rundt dei brukar alkohol. Dei kan verke upåverka og tilsynelatande ha det bra sjølv om foreldra misbrukar alkohol. Men vi veit at dette ofte kan vere ein fasade, for barna prøver å skjule dei problema som alkoholen er årsak til.
Mange barn strevar med å prøve å tilpasse seg det som skjer, når vaksne rundt dei brukar alkohol. Dei kan verke upåverka og tilsynelatande ha det bra sjølv om foreldra misbrukar alkohol. Men vi veit at dette ofte kan vere ein fasade, for barna prøver å skjule dei problema som alkoholen er årsak til.
IOGT Region Midt-Norge gleden av å invitere våre medlemmer til Refleksjon – og inspirasjonsseminar med tema Alkoholbruk og helse - om myter, tabu og fakta
Seminaret er gratis og opent for IOGT-medlemer og finner sted på Scandic Parken i Ålesund Fredag 29. november 2024 - kl 14.00.
Påmelding gjøres til Per-Arne Lillebø snarest da det er begrenset med plasser og her er det første man til mølla. Håper å se deg der!
Onsdag 1. mars stod regionleiar Per-Arne Lillebø og Tor Martin Flø Gustad i frå regionstyret til IOGT Region Midt-Norge på stand i Namsos. 12 nye medlemer vart verva under standdagen
Regionleiar Per-Arne Lillebø i IOGT Region Midt-Norge hadde innlegg i samband med leiars tale om viktigheita av medlemsverving på Landsmøtet.
Gågate. Ærverdig. Hus. Flasker. Mange. Hyllemeter. Alkoholfritt. Glutenfritt. Papp. Rett. I. Skravlekoppen.
Av og til vert eg litt stakkato i skrivemåten når eg får gode opplevingar. Det å entre inngangsdøra til butikken Vinifera var kjekt. Hyllemeter på hyllemeter med importerte alkoholfrie vinar. I tillegg er vinbutikken og kafeen i Gågata i Ørsta sertifisert Skravlekopp-butikk. Veldig flott at ein vinbutikk også har ei kaffimaskin og litt å “bite i”, slik at folk kan ta seg tida til å setje seg ned, bruke ein Skravlekopp og på den måten vere med å gjere lokalsamfunnet meir skravlete.