Takk til Norway Cup og Norges Fotballforbund
Hjørdis Almelid Vikenes,Per-Arne Lillebø
IOGT Region Midt-Norge takkar Bækkelagets Sportsklubb og Norges Fotballforbund for at dei frontar ein alkoholfri Norway Cup - for born og unge. Det er fint at Fotballforbundet samarbeider med organisasjonen av-og-til om rusførebyggjande arbeid. (Foto/skjermdump: Hjørdis Almelid Vikenes)
I samband med årets Norway Cup har arrangøren Bækkelagets Sportsklub og Norges Fotballforbund hatt fokus på at barneidretten skal vere utan alkohol. Det fokuset er viktig. Vi må hugse på at cupen skaper minne som varer livet ut.
Norway Cup er verda si største fotballturnering for born og unge i alderen 6-19 år. Denne cupen starta i 1972, og allereie frå starten har jentelag vore inkludert. Spelarar frå klubbar i mange land har delteke i løpet av alle desse åra, og dugnadsinnsatsen for å få arrangert cupen er stort.
Vi i IOGT Region Midt-Norge heiar på alle som driv frivillig arbeid. Frivillige er viktige personar for mange andre. De gjer eit flott dugnadsarbeid som born og unge får nytteverdien av.
Vi vil takke Bækkelagets Sportsklub og Norges Fotballforbund etter årets Norway Cup. Det har vore veldig fint å sjå reklame for organisasjonen av-og-til og Fotballforbundet som i fellesskap har fokusert på at barneidretten skal vere alkoholfri i samband med årets fotballcup i Oslo.
Sjølv om starten på cupen var våt, på grunn av nedbør, så har det i alle høve vore ein opptur edruskapsmessig at de har sett born og unge i førarsetet i cupen, og slik driv de også godt rusførebyggjande arbeid. Takk skal de ha for det - og framleis god rusfri sommar!
IOGT Region Midt-Norge
Leiar Per-Arne Lillebø og infomedarbeidar Hjørdis Almelid Vikenes
IOGT Region Midt-Norge takkar Bækkelagets Sportsklubb og Norges Fotballforbund for at dei frontar ein alkoholfri Norway Cup - for born og unge. Det er fint at Fotballforbundet samarbeider med organisasjonen av-og-til om rusførebyggjande arbeid. (Foto/skjermdump: Hjørdis Almelid Vikenes)
Relaterte saker
IOGT Region Midt-Norge gleden av å invitere våre medlemmer til Refleksjon – og inspirasjonsseminar med tema Alkoholbruk og helse - om myter, tabu og fakta
Seminaret er gratis og opent for IOGT-medlemer og finner sted på Scandic Parken i Ålesund Fredag 29. november 2024 - kl 14.00.
Påmelding gjøres til Per-Arne Lillebø snarest da det er begrenset med plasser og her er det første man til mølla. Håper å se deg der!
Onsdag 1. mars stod regionleiar Per-Arne Lillebø og Tor Martin Flø Gustad i frå regionstyret til IOGT Region Midt-Norge på stand i Namsos. 12 nye medlemer vart verva under standdagen
Regionleiar Per-Arne Lillebø i IOGT Region Midt-Norge hadde innlegg i samband med leiars tale om viktigheita av medlemsverving på Landsmøtet.
Gågate. Ærverdig. Hus. Flasker. Mange. Hyllemeter. Alkoholfritt. Glutenfritt. Papp. Rett. I. Skravlekoppen.
Av og til vert eg litt stakkato i skrivemåten når eg får gode opplevingar. Det å entre inngangsdøra til butikken Vinifera var kjekt. Hyllemeter på hyllemeter med importerte alkoholfrie vinar. I tillegg er vinbutikken og kafeen i Gågata i Ørsta sertifisert Skravlekopp-butikk. Veldig flott at ein vinbutikk også har ei kaffimaskin og litt å “bite i”, slik at folk kan ta seg tida til å setje seg ned, bruke ein Skravlekopp og på den måten vere med å gjere lokalsamfunnet meir skravlete.
Tysdag 24. januar i år arrangerte NAV ei jobbmesse i Ørsta, Give A Job. Der var det kring 350 deltakarar frå heile Søre Sunnmøre med jobbsøkjarar frå mange land, arbeidsgjevarar, offentlege instansar og fleire frivillige lag og organiasjonar. Av desse var 180 innvandrarar, kring 45 bedrifter var representerte og det var fleire frivillige organisasjonar som deltok.