Fake news om cannabis og andre rusmidlar

Inger Lise Hansen snakka om bl. a. fake news og fiktivt drikkepress i ungdomsmiljøa.

Inger Lise Hansen, generalsekretær i Actis, rusfeltet sitt samarbeidsorgan, opna sitt innlegg under IOGT sitt inspirasjonsseminar i Ålesund med å peike på mengda av fake news i informasjonsflaumen kring rusbruk – og særleg i sosiale medier.

Mange krefter vil legalisere cannabis. ”Trygg narkotikabruk” er eit slagord.

- Men ta ikkje alt for god fisk, sa Hansen.

- Det er mykje kunnskapsmangel om alkohol og rusmidlar blant dei unge. Mykje kjem av fake news, som fører til at risikooppfatninga går nedover. På same tid er cannabisen blitt sterkare. Ja, mykje sterkare enn før. Mange veit ikkje at ein kan pådra seg psykose ved slik bruk, sa Actis-leiaren.

Ei fersk undersøking mellom elevar ved vidaregåande skular viste at 20 prosent hadde brukt cannabis ”noen ganger”. 2 av 5 seier at dei har fått tilbod om å prøve cannabis.

Likevel; vi har ikkje høg cannabisbruk mellom norsk ungdom, trøysta Hansen.

Narkotikabruk opp, organiserte fritidsaktivitetar ned

Likevel; sjølv om dei aller fleste unge seier at dei har god livskvalitet, er der nokre men: Bruken av narkotika har auka, deltaking i organiserte aktivitetar har falle – og fleire kjedar seg på skule, slo Hansen fast.

Når det gjeld alkohol, drikk norsk ungdom likevel lite i samanlikning med andre. Prissetjing og kontrollar fungerer. I Danmark, der aldersgrensa for å kunne kjøpe alkohol er 16 år, drikk ungdommen klart meir enn i dei andre nordiske landa.

At fleire jenter enn gutar på 10.-klassesteget drikk alkohol, forklarte Hansen med at jenter ofte er i lag med eldre gutar – og dessuan kjem tidlegare i  puberteten.

Fiktivt press

Så ville ho avlive ei misforståing: - Vi trur at alle andre drikk alkohol. Ungdom trur dei er rare fordi dei ikkje drikk. Dermed oppstår eit fiktivt press. Ei undersøking viser at 1/3 av dei unge ”føler seg utafor” når dei ikkje drikk på ein fest. - Derfor er rusfrie arenaer så viktige.

Hansen viste også til ”Islandsmodellen”. Der har dei hatt ein voldsom nedgang i alkoholbruken etter å ha hatt svært høgt forbruk ei tid. Nedgangen blir forklart med kunnskapssanking (og -spreiing), foreldreinvolvering og gode fritidstilbod.

Nyheter

Første halvår ble annerledes for IOGTs sammen-sentre enn det som var planlagt. En stund var det usikkert om ett eller flere sentre måtte stenges.

IOGTs bistandsorganisasjon FORUT har signert en ny rammeavtale med Norad på over 200 millioner kroner. Pengene skal FORUT bruke på å gjøre verden tryggere for barn.

- Snart vert det stabilt varmare i vêret får vi tru. Då er det å håpe at born og vaksne kan vere i sommarfint samvær både ute og inne. Dette skriv Per-Arne Lillebø, Hjørdis Almelid Vikenes i avisa Vestlandsnytt. Dei er engasjerte i kampanjen "Fyll ferien".