Er du ein influensar?
Per Arne Lillebø,Hjørdis Almelid Vikenes
Avisa Dagen spanderte 20. juli 2021 ei heilside på IOGT Region MIdt-Norge sitt lesarinnlegg om alkohol på idrettsanlegg. Å vere influensarar kan i moderne tid framleis skje via avisene sine lesarspalter. (Foto: Hjørdis Almelid Vikenes)
I nynorskordboka.no kan vi lese at ein influensar er ein påverkar. Altså ein person som vil påverke nokon til noko. I daglegtale kan ein påverkar også verte omtalt som ein lobbyist. I fleire høve har vi sett at tidlegare stortingsrepresentantar kjem attende som påverkarar. Er du ein påverkar? Nyttar du sosiale media, eller ulike kanalar for å fremje ulike saker som opptek deg?
I så fall, tenkjer du at det er eit gode at vi har influensarar i Noreg anno 2023?
Vi i IOGT Region Midt-Norge tenkjer at det er positivt med folk som står for noko, og som kan seie meiningane sine på gode måtar i ulike kanalar. Difor driv vi haldningsskapande arbeid på rusfeltet. Vi ser dermed på oss sjølve som influensarar. Vil du vere influensar i godt lag? Ja, då har mange frivillige organisasjonar bruk for deg. Meld deg inn - og påverk også i gjennom organisasjonslivet.
For oss iogtarar er det viktig å vere med å skape gode rusfrie møtestadar for folk i alle aldrar.
Ha ein fin vår - og hugs at det finst mange alkoholfrie drikkar!
Leiar Per-Arne Lillebø og nestleiar Hjørdis Almelid Vikenes IOGT Region Midt-Norge
Relaterte saker
Vi har hatt fire dagar med vervingar i Ørsta og Ålesund i mai og juni. I samband med desse standane vart det verva vel 60 medlemer. Her kjem eit foto frå kvar av desse stadane.
I samband med årets Norway Cup har arrangøren Bækkelagets Sportsklub og Norges Fotballforbund hatt fokus på at barneidretten skal vere utan alkohol. Det fokuset er viktig. Vi må hugse på at cupen skaper minne som varer livet ut.
Leiar Per-Arne Lillebø i IOGT Region Midt-Norge har i mange år verva nye medlemar. Vanlegvis har han saman med andre stått på standar rundt om i regionen og verva folk gjennom fysiske møte, i gode dialogar med andre.
Den raude tråden under IOGT Midt-Norge sitt inspirasjonseminar i Ålesund 26. august var visjonen om å kunne skape trygge oppvekstmiljø med ansvarlege vaksne.
Mange barn strevar med å prøve å tilpasse seg det som skjer, når vaksne rundt dei brukar alkohol. Dei kan verke upåverka og tilsynelatande ha det bra sjølv om foreldra misbrukar alkohol. Men vi veit at dette ofte kan vere ein fasade, for barna prøver å skjule dei problema som alkoholen er årsak til.
Mange barn strevar med å prøve å tilpasse seg det som skjer, når vaksne rundt dei brukar alkohol. Dei kan verke upåverka og tilsynelatande ha det bra sjølv om foreldra misbrukar alkohol. Men vi veit at dette ofte kan vere ein fasade, for barna prøver å skjule dei problema som alkoholen er årsak til.