Irland har fått klarsignal – no bør Noreg gjere det same

9. januar i år konkluderte Europakommisjonen at dei ikkje har grunn til å gå i mot Irland sitt initiativ, som betyr at Irland no kan iverksette lovgjevinga si. Irland var ein pioner når det gjaldt passiv røyking og forbud mot røyking innandørs, og dei har også no tatt leiarposisjon for helseadvarsler på alkohol.

Noreg har lenge diskutert å innføre helseinformasjon og advarslar på alkohol. Lenge har ein vore usikker på korleis dette vil bli møtt av EU grunna den indre marknaden.

– No er dette ikkje lenger usikkert, og IOGT meiner at no er det viktig at Noreg følger opp med våre eigne initiativ for å innføre helseinformasjon på alkohol – særskilt med informasjon om auka kreftrisiko, seier generalsekretær i IOGT, Cecilie Widnes. 

Helsedirektoratet har fått i oppgåve av helseminister Ingvild Kjerkol (Ap) å vurdere korleis vi kan få ein slik merking av alkohol også i Noreg. Det kunne vi lese på Altinget i forrige veke.  

– At Kjerkol no tek aksjon og ber Helsedirektoratet om et forslag til alkoholmerking er et skritt i riktig retning. Men vi fryktar at det er lenge igjen til den dagen norske forbrukarar i praksis kan sjå kva alkoholproduktet dei betalar for inneheld og hva det inneber av helserisiko, sier Inger Lise Hansen, generalsekretær i Actis